Shikwaa (Allama Muhammad Iqbal)

Shikwaa  ( part 2)(Bang-e-Dra-105)

                             Poet: Allama Muhammad Iqbal

Hum Se Pehlay Tha Ajab Tere Jahan Ka Manzar;

Kaheen Masjood The Patthar Kaheen Ma'bood Shajar!

Khogar-e-Paikar-e-Mehsoos Thi Insaan Ki Nazar;

Maanta Phir Koi Un-Dekhe Khuda Ko Kyun Kar??

                    Tujh Ko Maloom Hai Leta Tha Koi Naam Tera?

                    Quwwat-e-Baazo-e-Muslim Nai Kiya Kaam Tera!

Bas Rahe The Yaheen Saljooq Bhi, Toorani Bhi;

Ahl-e-Cheen, Cheen Mein, Iran Mein Sasani Bhi.

Isi Ma'moor Mein Aabaad The Yunaani Bhi;

Isi Dunya Mein Yahoodi Bhi The Nasrani Bhi.

                    Par Tere Naam Pe Talwaar Uthaii Kiss Ne?

                    Baat Jo Bigdi Huwi Thi, Wo Banaii Kiss Ne?

The Hameen Ek Tere Ma'ar Ke Aaraoon Mein;

Khushkiyon Mein Kabhi Ladte, Kabhi Daryaaon Mein.

Di Azaanein Kabhi Europe Ke Kaleesawon Mein;

Kabhi Africa Ke Tapte Huwe Sehrawon Mein.

                    Shaan Aankhon Mein Na Jajti Thi Jahaandaaron Ki;

                    Kalma Padhte The Hum Chaaun Mein Talwaaron Ki.