Aaina kyu na doon ke tamasha kahe jise

Aaina kyu na doon ke tamasha kahe jise

Poet:  Mirza Ghalib

Aaina kyu na doon ke tamasha kahe jise

 Aisa kaha se laau ke tujhasa kahe jise

Hasrat ne la rakha teri bazm-e-khayal me

 Guldasta-e-nigaah suveda kahe jise

Phoonka hai kisne goshe mohabbat mein aye khuda

 Afasuun-e-intazar tamanna kahe jise

Sar par hajum-e-dard-e-garibi se daliye

 Wo ek musht-e-khak ke sahara kahe jise

Hai chashm-e-tar me hasarat-e-diidar se niha

 Shauq-e-ina gusekhta dariya kahe jise

Darakar hai shiguftan-e-gul haye aish ko

 Sub_h-e-bahar paba-e-miina kahe jise

“ghalib” bura na man jo vaiz bura kahe

 Aisa bhii koii hai ke sab achchha kahe ji

Shehr e Dil

Shehr e Dil

Poet: Mirza Ghalib

Dukh Day Kar Sawaal Kartay ho,

 Tum Bhe GHAALiB ! Kamaal Kartay ho..

Daikh Kar Pooch Liyaa haal meraa,

 Chalo Kuch tou Khayaal Kartay ho..

Shehar -e- Dil may Ye Udaasiyaan Kaisi ??

 Ye Bhe mujh say Sawaal Kartay ho ???

Marnaa Chaahain tou mar nahe Saktay,

 tum Bhe Jeenaa muhaal Kartay ho..

ab Kiss Kiss Ki misaal Doon tum Ko ?

 her Sitam Bay-misaal Kartay ho . .

Har baat par kehte ho tum

Har baat par kehte ho tum

 Poet: Mirza Ghalib

Har baat par kehte ho tum ke tu kya hai

 Tumhi batao yeh andaz-e-guftgu kya hai

 ragon mai daudane ke ham nahi kayal

 jo aankh hi se na tapka woh lahu kya hai

Nukta chii hai gam e dil,ke sunaya na bane

 kya baat bane wahan,jahan baat banye na bane?.

 ishq par zor nahi hai yeh woh attish galib

 jo lagaye na lage bhujhaye na bane?

Na tha main to khuda tha,

 kuch na hota to khuda hota?

 mitaya mujh ko hone ne,

 na hota main to kya hota

Kahu kis se ki kya kiya hai

 shabe gam buri bala hai

 mujhe kya bura tha marna

 gar ek baar hota

Na tha kuchch to KHuda tha, kuchch na hota to KHuda hota

 duboya mujhko hone ne, na hota maiN to kya hota ?

 huaa jab GHam se yooN behis to GHam kya sar ke kaTne ka

 na hota gar juda tan se to zaanooN par dhaRa hota

 huee muddat ke ?GHalib? mar gaya par yaad aata hai

 wo har ek baat pe kehana, ke yooN hota to kya hota ?

Ek baat pe kehte ho tum ke

Ek baat pe kehte ho tum ke

 Poet: Mirza Ghalib

har ek baat pe kehte ho tum ke ?too kya hai? ?

 tumheeN kaho ke yeh andaaz-e-guftgoo kya hai ?

na shole meiN yeh karishma na barq meiN yeh ada

 koee batao ki woh shoKH-e-tund_KHoo kya hai ?

                              yeh rashk hai ki wo hota hai ham_suKHan tumse

wagarna KHauf-e-bad_aamozi-e-adoo kya hai ?

chipak raha hai badan par lahoo se pairaahan

 hamaaree jeb ko ab haajat-e-rafoo kya hai ?

jalaa hai jicm jahaaN dil bhee jal gaya hoga

 kuredate ho jo ab raakh, justjoo kya hai ?

ragoN meiN dauDte firne ke ham naheeN qaayal

 jab aaNkh hee se na Tapka to fir lahoo kya hai ?

woh cheez jiske liye hamko ho bahisht azeez

 siwaay baada-e-gul_faam-e-mushkaboo kya hai ?

piyooN sharaab agar KHum bhee dekh looN do chaar

 yeh sheesha-o-qadah-o-kooza-o-suboo kya hai ?

rahee na taaqat-e-guftaar, aur agar ho bhee

 to kis ummeed pe kahiye ke aarzoo kya hai ?

bana hai shaah ka musaahib, fire hai itaraata

 wagarna shehar meiN ?GHalib? kee aabroo kya hai ?

Tu dost kisi ka bhi sitamgar na hua tha

Tu dost kisi ka bhi sitamgar na hua tha

  Poet: Mirza Ghalib

Tu dost kisi ka bhi sitamgar na hua tha

 auron pe hai wo zulm ki mujh par na hua tha

 choda mah-e-nakhshab ke tarah dast-e-qaza ne

 khurshid hanoz us ke barabar na hua tha

 taufiq ba andaz-e-himmat hai azal se

 aankhon mein hai wo qatara ki gohar na hua tha

 jab tak ke na dekha tha qad-e-yar ka aalam

 main motaqid-e-fitana-e-mahashar na hua tha

 main sada dil aazurdagi-e-yar se khush hun

 yani sabaq-e-shauq mukarrar na hua tha

 dariya-e-maasi tunuk abhi se hua khushk

 mera sar-e-daman bhi abhi tar na hua tha

 jari thi asad dag-e-jigar se mere tahasil

 aatashqada jagir-e-samandar na hua tha

Ye na thi hamari qismat ke visal-e-yar hota

Ye na thi hamari qismat ke visal-e-yar hota

 Poet:  Mirza Ghalib

Ye na thi hamari qismat ke visal-e-yar hota

 agar aur jite rehte yahi intazar hota

 tere wade par jiye hum to ye jan jhooth jana

 ke khushi se mar na jate agar aitabar hota

 teri nazuki se jana ki bandha tha ahdboda

 kabhi tu na tod sakata agar ustavar hota

 koi mere dil se puche tere tir-e-nimakash ko

 ye khalish kahan se hoti jo jigar ke par hota

 ye kahan ke dosti hai ke bane hain dost naseh

 koi charasaz hota, koi gamgusar hota

 rag-e-sang se tapakata wo lahu ki phir na thamata

 jise gham samajh rahe ho ye agar sharar hota

 gham agarche jangusil hai, pe kahan bachen ke dil hai

 gam-e-ishq gar na hota, gam-e-rozagar hota

 kahun kis se main ke kya hai, shab-e-gam buri bala hai

 mujhe kya bura tha marana agar ek bar hota

 hue mar ke hum jo rusava, hue kyon na garq-e-dariya

 na kabhi janaza uthata, na kaheen mazar hota

 use kon dekh sakata ki yagana hai wo yakta

 jo dui ke bu bhi hoti to kaheen do char hota

 ye masail-e-tasavvuf, ye tera bayan ‘ghalib’

 tujhe hum wali samajhate, jo na badakhvar hota

Hamdardi

Hamdardi

Poet : Allama Muhammad Iqbal

Tehni Pe Kisi Shajar Ki Tanha

 Bulbul Tha Koi Udaas Betha

 Kehta Tha Ke Raat Sar Pe Aai

 Urney Chugney Mai Din Guzara

 Pohchun Kis Tarah Aashiyaan Tak

 Har Cheez Pe Chaa Gaya Andhera

Sun Ke Bulbul Ki Aah-O-Zaari

 Jugnu Koi Paas Hi Se Bola

 Hazir Hun Madad Ko Jaan-O-Dil Se

 Keera Hun Agarcha Mai Zara Sa

 Kiya Gham Hai Jo Raat Hai Andheri

 Mai Raah Mai Roshni Karonga

 ALLAH Ne Di Hai Mujh Ko Mashal

 Chamka Ke Mujhe Diya Banaya

Hain Log Wohi Jahan Mai Ache

 Aate Hain Jo Kaam Dosron Ke